Uhagon Kulturgunea

Uhagon

Markina-Xemeingo Udalak, udalerriko eta Lea-Artibai Eskualdeko kultur ekintzen urritasunaz aspaldian oharturik, proiektu orokor bati heldu zion buru-belarri, herritar guztiei orokorrean eta batez ere bertoko gazte eta umeei zuzendutako beste alternatiba batzuk eskaintzeko asmoarekin. Horren helburuak hauexek izango ziren, besteak beste: herri handiagoetara mugitu barik eskura izango ez genituzkeen kultur aukerak eskaintzea herritarroi eta, batez ere, aisiaren kultura piztea.

Herrian bertan, eta hemen lan egiten duten hainbat kultur talde eta erakunderen ekimenez, lehengo "Esperanza y Cia" arma-fabrikarena izandako lekuan kultura-gune bat egiteko proposamena aurkeztu zen. Ideia lehiaketa bat ere egin zen, eta bertan jasotakoekin proiektu bat osatu zen: Uhagon kulturgunea.

Proiektu izatetik kulturgunea errealitate bihurtu zen, ordea, duela bost urte; eta badoa gorpuzten herriko kultur, kirol eta giza arloko talde/erakundeen ekimenez zein Udalarenaz antolatutako eskaintzekin.

Uhagon Elkartea da kulturgunearen dinamizatzailea.

Egitura aldetik, kulturguneak kafe-antzokia, bulegoak eta erabilera anitzeko zenbait gela edo areto ditu.

Bertan, berebiziko garrantzia eta lehentasuna ematen zaie arte eszeniko eta plastikoei eta, orobat, musika eta literatur sustapena helburu dutenei eta folkloreari ere.

Udal liburutegia

Kultura-guneaz gain, Markina-Xemeingo Udalak baditu beste espazio edo gune batzuk, bai berorrek antolatutako ekimenetarako bai herriko kultur, kirol zein giza eragileenetarako. Lehendik dagoen Kultur Aretoa, hitzaldietarako eta zinea emateko aproposa. Liburutegia. Udaletxeko areto nagusia... Eta kaleak. Zelaia eta zenbait plaza ere, unean uneko eszenatoki ezin hobeak bilakatzen direnak, behar izan ahala.

Plazabarripeko Kultur Aretoa

Herri Biblioteka

Kontaktua

Uhagon kulturgunea
Xemein etorbidea, 10-48270 Markina-Xemein
E- posta: kulturgunea@uhagon.com
Weba: www.uhagon.com
Tfnoa: 946 166 303 / 665 212 689
Bulegoaren ordutegia:
Goizez: 10:00-13:30h
Astearte eta asteazkenetan arratsaldez: 15:30-19:00h
  • Kultur-elkarteak
  • Jaiak
  • Peru Abarka Lehiaketa